URA FC ekansizza omuzibizi wa Police FC
Senjobe amaze ebbanga lya wiiki ssatu ng’atendekebwa ne URA era yakakasizza abatendesi ba URA n’obumanyirivu bw’alina.
Senjobe ng'akyali mu Police.
NG’EBULA ennaku ssatu zokka URA FC okuzannya omupiira gwayo ogusooka ogwa liigi ya babinywera eya StarTimes Uganda Premier League, banjudde abadde omuzibizi wa Police FC, Eric Senjobe.
Ono yatadde omukono ku ndagaano ya myaka ebiri oluvannyuma lwa Police FC okudda mu kibinja ekya Big League.
Senjobe amaze ebbanga lya wiiki ssatu ng’atendekebwa ne URA era yakakasizza abatendesi ba URA n’obumanyirivu bw’alina.
Ono asuubirwa okuvuganya ne Derrick Ndahiro mu nnamba ssatu oluvannyuma lwa Arafat Galiwango okwabulira ttiimu eno.
Yeegasse ku bazannyi okuli; James Begisa, Justine Opiro, Ronald Andabati Mawa, George Ssenkaaba, Salim Abdallah, Michael Lubowa ne Yusuf Wasswa.
Mu ngeri y’emu URA yazzizza buggya endagaano z’abazannyi okuli; Najib Fesali, Hassan Kalega ne Alou Kokas nga betegekera sizoni empya sso ng’era yatadde; Ashraf Mandela, Steven Mukwala, Cromwell Rwothomio, Mickdad Ssenyonga, Farouk Katongole, Moses Sseruyidde, Ivan Sserubiri ne Arafat Galiwango.