ssaabawandiisi wa Uganda Olympic Committee Beatrice Ayikoru asiimiddwa

Ekibiina ekigatta obukiiko bwemizanyo gya olympics mu africa ekya ANOCA kisiimye ssaabawandiisi wa Uganda Olympic Committee (UOC) Beatrice Ayikoru.
Ayikoru asiimiddwa nga omu ku bakyala abali mu bukulembeze bwemizannyo mu africa abasinga okulwanirira omwenkanonkano nokuwa abakyala omwaganya mu buweereza bwemizannyo mu africa.
Ayikoru yasiimiddwa nabakyala abalala bataano okuli: Lydia Nsekera, minisita w'ebyemizannyo e Burundi; Bouchra Hajij, President wa Africa Volleyball; Filomena Fortes, president wa Olympic Committee ye cape verde; Aica Gerad Ali, President wa olympic committee ye Djibouti nomumyukawe Fardouza Moussa.
Bano baasiimiddwa mu lukungaana olw'okubiri olwa ANOCA olwatudde mu kibuga Bujumbura, ekya Burundi nekigendererwa ekyokutumbuula obukulembeze bwabakyala mu byemizannyo ku lukalu lwa africa. 
 President wa UOC Dr. Donald Rukare yeyakwasizza Ayikoru ekirabo ku lwa president wa ANOCA Mustapha Berraf. Rukare yatenderezza Ayikoru olwokuyimirira nga omukyala nalwanirira obwenkanya mu bifo ebyobuweereza ebyenkizo ekyongedde okusikiriza abakyala abalala okwettanira obuweereza mu byemizannyo.

Beatrice Ayikoru

Bweyabadde akwasibwa ekirabo, ayikoru eyabadde omusanyufu yeebazizza abekibiina kya ANOCA okusiima emirimu gyabakyala gyebakolera mu kusooza okwamaanyi.
Kano ayikoru yakayise kabonero akooleka ebibala ebiri mu kukola ennyo. Yakuutidde abaami okwongera okuwa abakyala mu bifo byobuweereza mu bibiina byebyemizannyo byebakulembera kyagambye nti kijja kusikiriza abawala abawerako okwettanira emizannyo.
Ayikoru ayogerwako nga omu ku bakyala ku lukalu lwa africa abasinga okutuula ku bifo ebisava mu bibiina byebyemizannyo mu africa nensi yonna. Mu 2020 ajjukirwa nga omukyala eyasooka okulondebwa ku kakiiko kemisinde gyensi yonna aka World Athletics Council, nga oluvannyuma yalondebwa nekukakiiko kabaddusi mu africa akayitibwa Confederation of African Athletics nga omumyuka wa president.
Ayogedde ku bwesimbu nga ekimu ku bimuyambye okufuuka kyali wakati mu kusoomozebwa.