Ebyemizannyo
Michael Carrick tamanyi kiddako
MICHAEL Carrick (waggulu), eggulo yasiibye mu nkuyanja ya birowoozo nga tamanyi kiddako ku by'omulimu gwe ogw'okutendeka ManU.
Micheal Carrick
By: Bukedde Omusunsuzi, Journalist @NewVision
MICHAEL Carrick (waggulu), eggulo yasiibye mu nkuyanja ya birowoozo nga tamanyi kiddako ku by'omulimu gwe ogw'okutendeka ManU.
Bammemba b'olukiiko olufuzi olwa ManU (Boodi) baatudde eggulo okuteesa ku Carrick, alemeddwa okusitula ttiimu eno. Emaze emipiira 8 nga tefuna buwanguzi sso nga mu Premier, ya 16 ku ttiimu 20. Erina obubonero 7 mu mipiira 8.
Ku Ssande, ManU yatimpuddwa Bournemouth (3-0) ku Old Trafford ekyasannyalaza emikisa gya Carrick era nga Boodi yabadde esuubirwa okumugoba.
Omupiira olwawedde, Carrick, eyabadde azze ebiyengeyenge, yawuubidde abawagizi mu ngeri esiibula, oluvannyuma n'abaako by'ayogera ne bakama be, akulira ensonga z'omupiira, Jason Wilcox n'akulira emirimu Omar Berrada. Abatendesi abasuubirwa okumusikira kuliko; Antonio Conte, Eddie Howe ne Julian Nagelsmann.
Omupiira olwawedde, Carrick, eyabadde azze ebiyengeyenge, yawuubidde abawagizi mu ngeri esiibula, oluvannyuma n'abaako by'ayogera ne bakama be, akulira ensonga z'omupiira, Jason Wilcox n'akulira emirimu Omar Berrada. Abatendesi abasuubirwa okumusikira kuliko; Antonio Conte, Eddie Howe ne Julian Nagelsmann.