Ebyemizannyo
Gulu yeetisse ez'abaliko obulemu
DISITULIKITI y’e Gulu yeetisse emizannyo gy’abaliko obulemu bwe yawangudde mu mitendera ogwa siniya n’ogwa yunivasite. Empaka zino ezaabadde mu disitulikiti y’e Soroti zeetabiddwaamu disitulikiti 23 ku Soroti Sports Grounds okumala wiimu emu.
Gulu yeetisse ez'abaliko obulemu
By: Bukedde Omusunsuzi, Journalist @NewVision
DISITULIKITI y’e Gulu yeetisse emizannyo gy’abaliko obulemu bwe yawangudde mu mitendera ogwa siniya n’ogwa yunivasite. Empaka zino ezaabadde mu disitulikiti y’e Soroti zeetabiddwaamu disitulikiti 23 ku Soroti Sports Grounds okumala wiimu emu.
Baavuganyizza mu mupiira gwa bamuzibe, Goalball, Showdown, obusaale, okubuuka, emisinde nemirala. Gyabadde gya mulundi gwa 11 nga MUBS ye yabadde n’ekikopo kino. Omutendera ogwa Pulayimale gwawanguddwa Yumbe P/S ku bubonero 334 ate St. Francis P/S ey’e Soroti n’ekwata ekyokubiri ku bubonero 282.
Gulu High School yawangudde ogwa siniya ku bubonero 460 n’eddirirwa Hornby High ey’e Kabaale ku bubonero 433. Omutendera gwa yunivasite gwawanguddwa Gulu University. Gulu yakung’aanyizza obubonero 575, MUBS nefuna obubonero 564.
Ability Sports Africa yawangudde omutendera gwa Community ku bubonero 669 ate Soroti n’ekwata ekyokubiri ku bubonero 400 olwo Masaka n’efuna obubonero 201 mu kyokusatu. Pulezidenti w’ekibiina ekitwala emizannyo gy’abaliko obulemu mu ggwanga ekya NPC, Hajji Mpindi Bumaali yakubirizza abakulembeze ba disitulikiti okujjumbira emizannyo gino kuba mikulu nnyo mu kukuuma obulamu.
Ability Sports Africa yawangudde omutendera gwa Community ku bubonero 669 ate Soroti n’ekwata ekyokubiri ku bubonero 400 olwo Masaka n’efuna obubonero 201 mu kyokusatu. Pulezidenti w’ekibiina ekitwala emizannyo gy’abaliko obulemu mu ggwanga ekya NPC, Hajji Mpindi Bumaali yakubirizza abakulembeze ba disitulikiti okujjumbira emizannyo gino kuba mikulu nnyo mu kukuuma obulamu.