Gary Neville alumbye Arsenal ne Liverpool
Neville agamba nti enkola eno egenda kuttattana omutindo gwa Premier ssaako okukuba ebituli mu baddiifiri. Ku Ssande (Nottingham), nayo yawandiikidde abakulira baddiifiri nga beemulugunya ku ggoolo ya Brentford eyasoose.
Gary Neville
By Farouk Lubega
Journalists @New Vision
Eyali omuzibizi wa ManU, Gary Neville alumbye Arsenal ne Liverpool olw’okukaaba olumaamiro ne bawandiikira abakulira baddiifiri mu Bungereza nti babasaliriza.
Neville agamba nti enkola eno egenda kuttattana omutindo gwa Premier ssaako okukuba ebituli mu baddiifiri. Ku Ssande (Nottingham), nayo yawandiikidde abakulira baddiifiri nga beemulugunya ku ggoolo ya Brentford eyasoose.
Neville agamba nti ttiimu okuwaabiranga baddiifiri nga zikimanyi nti tebajja kukyusa bivudde mu mupiira kuba kutawaanira bwereere.
Ivan Toney
Nottingham egamba nti omuteebi wa Brentford, Ivan Toney yaseeseetudde omupiira n’agusembeza mu maaso n’ateeba.
Omupiira guno Brentford yaguwangudde (3-2) ekyalese Nottingham Forest ng’ekaaba. Nottingham eri ku muyiggo gwa bubonero bubasigaza mu Premier kuba mu kaseera kano eri mu kunoonyerezebwako abakulira Premier olw’okumenya amateeka mu nsaasaanya ya ssente ezigula abazannyi.
Mu kiseera kino bali mu kya 16 ku bubonero 20 kyokka singa banaabasalako obubonero, bandidda mu ttiimu ezisalwako.