Ey'okubaka ento egenda Tanzania
Omutendesi Hassan Nourdine Kato yalangiridde abazannyi 12 nga bano basuubirwa okulondwamu abanaalikiriza ttiimu enkulu (She Cranes).
Annet Najjuka (ku ddyo) ng'attunka ne Rosette Namutebi mu kutendekebwa.
NewVision Reporter
@NewVision
SHE Pearls ttiimu y’okubaka ey’abatasussa myaka 21, esitula nkya (Lwakubiri) okugenda mu mpaka z’omukwano ne Tanzania ez’okubeerawo wakati nga October 20-22, 2022.
Omutendesi Hassan Nourdine Kato yalangiridde abazannyi 12 okuli; abateebi Christine Namulumba (Prisons), Asinah Kabendela (Weyonje), Mercy Batamuliza (KCCA) ne Shamirah Iyekoru (UCU). Abazibizi; Privas Kayeny (NIC), Aisha Amuge (UCU), Viola Asingo (Prisons), Shakira Nassaka (Weyonje) ne Christine Nakitto (KCCA) be bayitiddwa. Mu bawuwuttanyi mulimu; Sarah Nakiyunga (NIC), Annet Najjuka (KCCA) ne Lilian Achora (Weyonje).
Okusinziira ku Sarah Babirye Kityo, pulezidenti w’omuzannyo guno mu ggwanga e kiseera kino bagezaako kuzimba bitone ebinaaziba ebituli by’abamu ku bazannyi ba She Cranes abatandise okuddirira mu mutindo.
“She Cranes beetegekera World Netball Cup ey’okubeerawo nga July 28 ne August 6, 2023 mu Cape Town, South Africa. Ez’omukwano zino zijja kutuyamba okufuna abazannyi be twongera ku ttiimu enkulu,” Babirye bwe yategeezezza.
Comments
No Comment