Abookuwuga bamativu
Mu mpaka za FINA World Swimming Championships, Tendo Mukalazi mwe yatereddewo likodi y’eggwanga empya mu mutendera gwa mmita 50 Breastroke nga yaziwugidde 00:00:30.30.
Tendo Mukalazi
By Olivia Nakate
Journalists @New Vision
Pulezidenti w’ekibiina ekiddukanya omuzannyo gw’okuwuga mu ggwanga ekya Uganda Swimming Federation, Moses Mwase mumativu n’omutindo ogwayoleseddwa Bannayuganda mu mpaka z’okuwuga eza FINA World Swimming Championships ezabadde mu kibuga Budapest ekya Hungary.
Mu mpaka Zino Uganda yakikiriddwa abawuzi 4; Tendo Mukalazi, Kirabo Namutebi, Adnan Kabuye ne Karimah Katemba.
Omuwuzi Adnan Kabuye
Mu mpaka zino, Tendo Mukalazi mwe yatereddewo likodi y’eggwanga empya mu mutendera gwa mmita 50 Breastroke nga yaziwugidde 00:00:30.30.
Mwase agamba empaka zino ziyambye abawuzi okwetegekera emizannyo gya Commonwealth nga kati bakuyingira enkambi okwongera okwetegeka obulungi.
Emizannyo gya Commonwealth gyakutandika nga July 28 - August 8 mu Birmigham ekya Bungereza.