Nsangi Olds ne Mutundwe Diplomate beesozze fayinolo za liigi ya bakadde mu ggwanga
Ttiimu ya Nsangi Olds ne Mutundwe Diplomate be beesozze Fayinolo ya Liigi ya bakadde mu ggwanga eya Olds League Uganda.
Nsangi Olds ne Mutundwe Diplomate beesozze fayinolo za liigi ya bakadde mu ggwanga
By Samuel Tebuseeke
Journalists @New Vision
Mu mupiira gya Semi finals ezaasambiddwa e Nsangi ku Kisaawe kya Hanna International, bannyinimu aba Nsangi bakubye Makerere Morning Show (1-0). Makerere y’ebadde erina ekikopo kino kye yawangula omwaka oguwedde.
Ttiimu ya Nsangi Olds.
Nsangi yakubye Makerere wakati mu nduulu okuva mu bawagizi ba Nsangi abaabadde beebulungudde ekisaawe nga bakuba Nsangi olube.
Ate yo ttiimu ya Mutundwe Diplomate, omusambira Ying. Moses Magogo, Pulezidenti wa FUFA bakubye ttiimu ya Gayaza Olds (3-0) era omupiira gwabadde Mutundwe.
Richard Muyanja , omwogezi wa liigi ya bakadde yategeezezza nti fayinolo egenda kuzannyibwa ku Ssande eno nga February 19,2023 ku kisaawe kya IIU kabojja ku ssaawa 9:00 ez’olweggulo. Liigi eno yalimu ttiimu 29 okuva mu bibinja era erimu abazannyi abatakka wansi wa mwaka 35.