Abawuzi beetegekera za buvanjuba bwa Afrika
Okulaba nga buli kimu kitambula bulungi, bafulumiza olukalala lw’abawuzi abasoba mu 60 batandike okwetegekera empaka zino.
Tendo Mukalazi
By Olivia Nakate
Journalists @New Vision
Ekibiina ekiddukanya omuzannyo gw’okuwuga mu ggwanga (Uganda Swimming Federation) kitandise okwetegekera empaka z’obuvanjuba bwa Afrika eza Cana Zone 3 Swimming Championships ez’okubeera mu Tanzania okuva nga November 17-20.
Okulaba nga buli kimu kitambula bulungi, bafulumiza olukalala lw’abawuzi abasoba mu 60 batandike okwetegekera empaka zino.
Pulezidenti wa Uganda Swimming Federation, Moses Mwase ategeezezza nga ekigendererwa kyabwe bwekiri mu kweddiza ekikopo kino kye bawangula omwaka oguwedde.
“Ttiimu gyetulonze tugyesiga era mmanyi bulungi nti abawuzi balina obusoboze obuwangula empaka z’omwaka guno,” Mwase bwe yanyonyodde.
Okwawukanako n’omwaka oguwedde, ku mulundi guno bamuyizitasubwa ba Uganda Kirabo Namutebi ne Tendo Mukalazi bakwetaba mu mpaka zino oluvannyuma lw’okumaliriza emisimo gye baliko mu Karzan ekya Russia nga gino gye gyabalemesa empaka z’omwaka oguwedde.
Empaka z’obuvanjuba bwa Afrika ezikyasembyeyo zaali mu Uganda omwaka oguwedde ku ssomero lya Kampala International Schools of Uganda e Bukoto nga Uganda yaziwangula.