Akaruuru k’oburingaaniza kuheezaho okurwana omuri Sudan – Purezidenti Museveni

N’ebya PPU

Purezidenti Yoweri Museveni yaagiraho ekigaaniro n’omuhwezi w’orikukurira akakiiko aka Transitional Sovereignty Council omuri Sudan, Malik Agar Eyre Ngamyoufa.

Omukigaaniro eki, Owek. Agar yaagambira Purezidenti Museveni ahambeera eri omu eihanga erya Sudan obwo arikukyoreka ngu hashemereire kubaho obusingye omukyanga.

Nk’orikukurira akakiiko k’eby’obusingye n’eby’okwerinda omu kitongore ky’amahanga ga Africa ekya African Union, Purezidenti Museveni yashaba ngu haabeho okusaasiirana hamwe n’akaruuru k’oburingaaniza nk’omuringo gw’okumaraho okurwana omu eihanga eri.

Purezidenti yaakyoreka ngu abantu ba Sudan bashemereire kuheebwa omugisha kwetooranira omwebembezi ou barikwenda nk’obugabe bwabo.

Hoona yashoboorora ngu Sudan n’ey’abantu kandi nyentsya y’eihanga teshemereire kukorwa omuntu omwe ninga akakiiko.

Yaagira ngu abakuru omumahe bamanya ngu okusaasiirana nikubaasika, nibaija kwikiriza okurekyeraho okurwana n’abanyambundu.

Okurwana oku kukabaruaho omuri Khartoum okwezi okuhwaire ahagati y’amahe ga gavumenti agarikwebemberwa Gen. Abdel Fattah Al-Burhan kandi hoona orikukurira akakiiko aka Transitional Sovereignity Council of the Republic of Sudan hamwe n’ekigombe ky’abanyambundu ekya Rapid Support Forces ekirikwebemberwa Gen. Mohammed Hamdan Dagalo.

#WestUpdates