N’ebya Simon Masaba

BWEYOGERERE, WAKISO

Abavugi 6 b’ebiruka bakiriyo nibaragurirwa oobuhuta obu baatungire omuri butandu ebaire aharuguuto nyigyendwa orwa Kampala-Jinja ahari shaaha nka 9:30 z’omwihangwe ebiro 30/04/2024 omuri Bweyogerere, omu disiturikiti eya Wakiso.

Omugambirizi wa Pooriisi ahabwa Kampala n’emyanya egiheeriire, Patrick Onyango nyomwebazyo 01/05/2024 agizire ngu butandu egi ebaire erimu emotoka nyingi hamwe naaza Piki ekirugiriiremu abantu kutunga obuhuta n’emotoka kusisikara.

Emotoka ezibaire ziri omuri butandu harimu eya; Toyota Hiace ehandikirwe omu namba ya UAX 871P, emotoka 2 z’ekika kya Howo namba UBK 849U hamwe na UBK 852U hamwe na piki 3 za Bajaj Boxer ezihandiikirwe omu namba za UGA 215N, UFU 127E, na UES 492A.

Okurugiirira aha beerebiire n’agabo, emotoka eya Toyota Hiace, ebaire neevugwa omuntu otakamanyirwe abaire naruga ahari Africa Oil petrol station obu ereemeriirwe ekatomera za piki 3 nazo zikatomera emotoka ezindi ezibaire zemeriire ezirimuu trailor.

Okurugiirira ahari Onyango, trailer egi n’ey’omushuubuzi kuruga omu rurembo rwa Jinja, Moses Kaama, 50.

Onyango naagira ngu ebyahikireho kuruga omu kucondooza nibyoreka ngu ekiretsireho butandu n’omuvugi wa Toyota Hiace obaire navugisa ekimama.

Abahutiire bairukangiziibwe omu marwariro gatari gamwe kutunga okuragurirwa kw’omutaano.

Nayongyeraho emotoka zoona hamwe naza piki ezibaire ziri omuri butandu egi zitwirwe aha Pooriisi ya Bweyogerere kukyeberwa kureeba yaaba zibaire ziri omu muringo murungi kuza aha ruguuto arikwongyeraho ngu okucondooza kuriyo nikugumizamu.

#WestUpdates