N’ebya Omushaki weitu

KYANKWANZI

Emitumbi y’abantu babiri eyihirwe omu daamu y’amaizi omu kyaro ekya Kanyogoga omu gomborora eya Watuuba omu disiturikiti eya Kyankwanzi.

Emitumbi y’abantu aba, gumwe gubaire guri ogw’omwana w’omwojo w’omwaka gumwe kandi agundi gw’omwishiki w’emyaka 16.

Okurugiirira aha mugambirizi wa Pooriisi ahabw’ekyanga ekya Wamala, Rachael Kawala- Rose Katusiime, omukozi w’omuka obaire nakorera Paul Muvanenza nagambwa kuba abuzire n’omwana ogu aharw’okubanza ebiro 29/04/2024.

Kawala naagira ngu omukuronda abantu abo, bashangire emitumbi y’abantu babiri erikuzerera aha mutwe gw’amaizi omu daamu omu kyaro kya Kanyogoga kandi gumwe gubaire guri ogwa Rose Katusiime (omukozi w’omuka) hamwe n’ogw’omwana wa mukama we.

Pooriisi neyongyeraho ngu okucondooza okwahikireho nikworeka ngu Katusiime akareetwa omu maka ga Paul Muvanenza kureberera omwana we omu kwezi kw’okubanza, beitu ku abaire aria ho, yahurira ngu mukama we nayenda kumugaruza owaabo omukyaro, nikwo kusharamu akenaga omu daamu y’amaizi n’omwana wa Mukama we. 

Nikigambwa ngu omugyenzi akaba atorokire aha bazaire kuza kwija omu maka ga Muvanenza kukora.

#WestUpdates