Bajjukidde emirimu gya Ssaabasumba Lwanga
May 17, 2021
NGA wasigadde enaku mbale okutuuka ku lunaku lwa Bajulizi ba Uganda, abakatuliki ku kigo Yuda Tadeo e Wakiso bajjukidde emirimu omugenzi Ssaabasumba Cyprian Kizito Lwanga gye yakola
Bajjukidde emirimu gya Ssaabasumba Lwanga
Mulimi egy'okukulaakulanya ekigwa e Namugongo nga bayita mu kumusabira mu kitambiro ekyabaddewo akawungenzi k'eggulo.
Rev. Fr. Joseph Mukasa Muwonge nga yakulira okutembeeza abajulizi mu nsi yonna, bw'abadde akulembeddemu ayiseyise mu mbeera abajulizi gye bayitamu gy'agambye nti teyali nnyangu naddala nga baali babatira mukubabonya bwatyo nasabye abantu okutandiika okwetekeratekera olunnaku luno nga basinsiza mu maka gaabwe.
Rev. Fr. Joseph Muwonge ne mukadde Tibyangye nga batongoza olutambi.
Ye Fr. Richard Nyombi nga yakulira ekibiina ky'abaminsani mu Uganda asinzidde wano n'alaga nga omugenzi Ssaabasumba bwe balekera ekkatala eddene ery'okulaba nga Bro. Amansi ne Mapeera bafuulibwa abajulizi kubanga be baaleta eddiini.
Fr Joseph ng'abuulira
Abasosodooti abawerako okuva e Bukalango, e Nabulagala, e Namugongo n'awalala omukolo guno bagubaddeko kw'osa n'abalamazi okuva e Bushenyi ne Mbarara.
Wano batongozza n'olutambi olw'enjawulo olukwata ku bajulizi n'abantu ab'enjawulo abazze balamaga era Ssaabakristu we kigo kino, Lubowa Ssebina Javiiray atenderezza amaanyi ssaabasumba ge yateeka mu kutumbula ebifo ebitukuvu omuli Munyonyo ne Namugongo.
Abamu ku bantu abaabaddeyo
No Comment