Wasa mukwano gwo asobola okukusonyiwa

OMUTAKA owaakasolya, Deus Kyeyune akulira kika kya hhaali, mukugu mu kubuulirira abafumbo era alina n’ebitabo eby’enjawulo by’awandiise ebibuulirira
abafumbo, annyonnyola bw’ati ku nsonga y’okulwanyisa okuttihhana mu maka:
l Wasa mukwano gwo nga mwetegeera kuba ne bw’onoomunyiiza ajja kukusonyiwa mangu.
l Funa omuntu bwemufaanaganya enzikiriza muleme okutabukatabuka olw’enjawukana mu ddiini.
Okugeza omukyala bw’oba omulokole ate ng’omwami Musiraamu, bw’onookyaza
 omwami ayinza okubalowooleza ebirala, naye bw’aba mulokole muba mujja kwetegeera.
l Yiga ebinyiiza munno n’ebimusanyusa n’ebyo by’ayagala, obeere nga weegendereza obutakola nsobi eyinza okuvaako okwetta.
l Weewale ebint  ebiyinza okuleeta okutAabuka mu maka, kuba buli omu abimanyi.
l Tolaba kintu n’osirika, kino kikulu mu maka, ekikunyiiza kyogere munno akimanye.
l Bwe munyigahhana, mwewale okwefundikira oba okwekuba emigongo.
Ekitanda mukifuule omutabaganya wammwe wadde muba munyiize.
Ky’ova olaba abakubagana emisana ate bukya baseka.
l Muyige okuwuliziganya, kijja kuleeta emirembe mu maka gammwe. Bwe wabaawo ebibasobyeko omwagalwawo munnyonnyole ng’akkakkanye obusungu.
l Okusonyiwagana kikulu, mwewale okukuuma ekiruyi ku mutima.
l Kibi okufumbirwa oba okuwasa omuntu nga toyagala bantu be. Yagala abantu b’omwagalwawo era tobanyooma, bawe ekitiibwa nga bazze gy’oli era ne bwe wabeerawo ensonga babeera basobola okubakkakkanya. l Bw’ofumbirwa omusajja alina abaana manya nti, abaana tebalina musango baagale. l Yiga okufuga obusungu, omwagalwa wo]  bw’akunyiiza muviire oba ofune by’okola ebirala, bw’okkakkana okomewo