UCU bakungubagidde omusomesa waabwe affiiridde mu kabenje e Nkumba

Uganda Christian University (UCU) e Mukono ekungubagidde abadde omusomesa waayo akedde okufiira mu kabenje ku luguudo oluva e Kampala okugenda e Ntebbe.

Raphael Okiot afudde mu nfa ey’entiisa ekimotoka ekitabula enkokoto nnamba UAN 836B ekya Seyani and Brothers Company Limited bwe kiremeredde omugoba waakyo olw’okugaana okusiba mu kugezaako okukikitanya ne kigwa ku mmotoka ye nnamba UBQ 371P ne kimunyigiramu n’afa.

Akatambi ka Okiot abadde ku bitaala ku round about e Nkumba kasaasaanidde emitimbagano enkya ya leero.

Miriam Achieng, Associate Dean w'essomero ly'amateeka ku UCU e Mukono

Ku lw’akulira essomero ly’amateeka ku UCU, Associate Dean Miriam Achieng ategeezezza ng’amawulire g’okufa kwa Okiot bwe gabakubye encukwe.

Achieng agambye nti bamaze ne Okiot ng’omusomesa omulungi akola obulungi emirimu gye okumala emyaka etaano ng’akola nga Tutor assistant.

Ono agambye nti Okiot era abadde munnamateeka ng’akola obuweereza mu kkooti ez’enjawulo mu ggwanga nga ne ku ludda olwo abasadde nnyo.

Clair Arinaitwe Mwebaze, amyuka lijesitula ku ssomero ly’amateeka ku UCU naye ayogedde ku kunyolwa kwe batuseeko olw’engeri Okiot abadde omusajja omugezi ennyo era omukozi gy’abavudde ku maaso.

Mwebaze agasseko nti era Okiot n’olunaku lw’eggulo ssaako ku Lwomukaaga baabadde naye nga basunsula abayizi abasoma amateeka abagenda okwegatta ku yunivasite eno.

ENDs…

CAPT: MKN Okiot 1: Miriam Achieng, Associate Dean w'essomero ly'amateeka ku UCU e Mukono.

MKN Okiot 2: Clair Arinaitwe Mwebaze, amyuka lijesitula ku ssomero ly’amateeka ku UCU.

MKN Okiot 3: Raphael Okiot, omugenzi.