NNAABAGEREKA Sylivia Nagginda atongozza kaweefube w’okulwanyisa obulwadde bw’omutwe obweyongedde mu Bannayuganda. Omukolo gw’okutongoza kaweefube ono gwabadde Bulange- Mmengo ku Lwokubiringa April 30, 2024 n’asaba buli omu amwenyigiremu mu ngeri yonna esoboka okusobozesa abo abatawaanyizibwa ebirowoozo, okwennyika mu mmeeme n’ebirala okubeera obulungi.
“Tusaanye okweyama
okubeera ekitangaala ekiwa essuubi eri abo abatawaanyizibwa obulwadde buno,” Nnaabagereka bwe yasabye. Kaweefube ono agenda kutambuzibwa wansi w’omulamwa ogugamba nti ‘Koleeza Ekitangaala Tulwanyise obulwadde bw’omutwe’. Minisita w’enkulaakulana y’abantu era avunaanyizibwa ku ofiisi ya Nnaabagereka, Cotlida Nakate Kikomekoyeebazizza Nnaabagereka olw’okuvaayo okulaga Bannayuganda
ekkubo ku ngeri gyebalina okunogeramu kizibu kino eddagala.
Akulira ekitongole ky’ebyobulamu mu nsi yonna wano mu Uganda, Dr. Yonas Tegegn Woldemariam yagambye nti ekizibu kino babadde tebakitaddeko nnyo ssira naye oluvannyuma lw’okutuukirirwa Nnaabagereka, basazeewo okuvaayo mu maanyi okukwatira awamu okulaba ng’obulumi buno buggwaawo.George William Nyombi
Thembo nga y’akulira Uganda Communications Commission yategeezezza nga bwe bavuddeyo okukwatira awamu ne Nnaabagereka kubanga bakimanyi nti ebintu bingi naddala ebikwata ku byobulamu by’akutteko ne batambula era bigasizza nnyo eggwanga. Nga May 9, 2024 Nnaabagereka lwategese ekijjulo ekiyitibwa Queen’s Ball nga muno mwe mugenda okusonderwa ensimbi ezinaayamba okudduukirira abatawaanyizibwa
obulwadde bw’omutwe nga kyakubeera ku Sheraton Hotel mu Kampala.