ABAKOZI b'okunyonyi abasoba mu 60 bamairiza ebitabo ne batikibwa ku Tendekero lya KUBIS Aviation College e Ntebe  nga  kuliiko Flight Operations and Dispatch  Cabin Crew , Airport Operations , Ticketing and Customer Care era nga omukolo guno gwetabidwaako Amyuuka akulira UCAA Olive Lumonya, Amyuuka Mayor we Ntebe Charles Kabwama kwosa n'abantu abalala .

Abayizi abatikkiddwa nga bajaganya

Ku mukolo guno Olive Lumonya abadde omugenyi omukulu agambye nti kirungi nnyo abayizi abatikibwa okuba ne kyenjawulo kyebasobola okukola kimuyambe okufuna omulimu sso ssi kulowooza nti emirimu wegiri gibalinze wabula babeera bayiiya nnyo .

Agenze mu maaso n'agamba nti security yaba customer kikulu  nnyo kwosa n'okukwata obulungi abatambulira mu nnyonyi n'olwekyo abatikkibwa balina okubimanya era okubitambulirako .

Mark Kyakone akulira okutendeka abayizi ku Kubis Aviation College agambye nti basanyufu okuba nga abayizi bano bamaliriza emisomo era ne batikibwa naye n'abasaba okweyongera okusoma basobola okwongera okufuna obumanyirivu .

Amyuuka Mayor we Ntebe Charles Kabwama agambye nti abayizi bano balina okumanya nti emirimu mitono musomo lino naye balina okumanya nti emirimu gyakuvuganya naye balina okuba n'empisa kwosa n'okwongera okuyiiya kibayambe okuwangala ku mirimu