Ssentebe abadde yaakalondebwa e Mbale bamukubye ne bamutta ng'ataasa omutuuze!

Poliisi e Bududa, eyigga abantu abaakubye abadde ssentebe wa LC 1 ne bamutta.

Bibadde Khama Ward mu tawuni kkanso y’e Nangako mu disitulikiti y’e Bududa, bwe  bakubye ne batta Micheal Shisa 58, omutuuze w'e Bukuma cell era nga y'abadde ssentebe w’ekyalo ekyo.

Abanoonyezebwa, kuliko Peter Kakala, Noah Walimbwa ne Lawrence Khakara.

Kigambibwa nti omugenzi yasoose kutuma Laben Mukhwana okubaako gw'ayita nti bano ne bamukwata ne bamukuba.

Nti ssentebe bwe yagezezzaako okutaasa gwe baabadde bakuba nti naye ne bamukuba bubi nnyo n'aweebwa ekitanda e Bududa nti embeera bwe yeeyongedde okubiggya, ne bamwongerayo mu ddwaaliro e Mbale gye yafiiridde.

Omwogezi wa poliisi e Mbale Rogers Taitika, agambye nti okuyigga bano kugenda mu maaso.