Rev. Muwonge alambuludde ku lukung'aana lw'enjiri olugenda okubeera e Namirembe okutandika ku ssande eno

Akulira ekitongole ekibuulizi ky’enjiri mu bulabirizi bw’e Namirembe, Rev Samuel Muwonge alambuludde kunteekateeka z’olukungaana lw’enjiri Namirembe olw’okubaawo ku ssande eno. 

Abayizi nga bazze okubasabira

 Muwonge agambye nti ku ssaawa 2:30 amyuka omulabirizi wa Kampala Hannington Mutebi yagenda okusooka okubuulira olwo ku ssaawa 4:00 ez’okumakya omulabirizi wa Busoga Paul Naimanhye abuulire okutuusa ku ssaawa 6:00 ez’omuttuntu omulabirizi Luwalira lwanaabuulira. 

Ategeezezza nti oluvannyuma lw’okusaba, omulabirizi Luwalira agenda kusimba ejjinja ku kizimbe kya Mission House ekizimbiddwa ekitongole ekibuulizi ky’enjiri. 

Oluvannyuma wagenda kubaawo omupiira wakati w’abawule n’abaami abafumbo ssaako okubaka wakati w’abakyala abafumbo n’abakyala b’abawule mu bulabirizi bw’e Namirembe. 

Abayizi nga beetabye mu kusoma

Muwonge yategezezza nti wagenda kuberawo olusisira lw’ebyobulamu ng’abantu bakukeberebwa endwadde ez’enjawulo ssaako n’okubawabula kungeri gye balina okweyisaamu. 

“Eby’okwerinda binywezeddwa wonna nga tetusuubira agenda kukola ffujjo. Ekifo ew’okusimba mmotoka kyaatekeddwawo era tulabula abakozi b’effujjo nti abaserikale webali mubungi okubakolako.” Muwonge bweyayongeddeko. 

Leero abayizi ba S4 baakunganidde e Namirembe mulukungaana lw’enjiri okwongera okubawonga eri Mukama abayambe okuyita ebibuuzo byabwe ebya kamalirizo. 

Rev 9

Abayizi okuva mu masomero okuli St Mark High School Lusanja, Luzira S.S, Mengo senior, Kitende SS, Mackay SS namalala baakunganidde e Namirembe okubawa emikisa nga betegekera ebibuuzo byabwe eby’akamalirizo