Abasiraamu b'e Bombo babasalidde ente 500 ne babakuutira okugaba
AMYUKA omubaka wa pulezident owa disitulikiti y’e Luwero Seifllah Katabaazi asabye Abasiraamu okugabanako n'abantu abatalina naddala nga ku nnaku zino okusobola okufuna empeera mu ggulu.
Abasiraamu b'e Bombo babasalidde ente 500 ne babakuutira okugaba
By Wasswa Ssentongo
Journalists @New Vision
AMYUKA omubaka wa pulezident owa disitulikiti y’e Luwero Seifllah Katabaazi asabye Abasiraamu okugabanako n'abantu abatalina naddala nga ku nnaku zino okusobola okufuna empeera mu ggulu.
Ezimu ku nte ezaasaliddwa.
Bino RDC Katabaazi abyogedde bw’abadde ku ssomero lya Sweet valley Islamic center ng’ente ezisoba mu 300 ze zisaliddwa era abantu okwetooloola disitulikiti y’e Luweero bafunye ennyama.
Wano Katabaazi w’asinzidde n’asaba Abasiraamu okuwa abo abatalina era n’abakuutira n'okwagala ensi yaabwe nga bwe bagenda mu maaso n’okwegenderezza eby’obufuzi bye tugendamu.
Omuserikale Ng'akuuma Obutebenkevu Ku Baabadde Babaaga Ente.
Akulira essomero lya Sweet Valley Islamic School ng’ali wamu n'aba Turkish African friendship association, Dr. Abdul Hamid Kiyimba bagambye nti basazeewo okusala ente zino okujjukira Ibrahim jajja w'obusiraamu, wamu n'okugabanako n’abo abatalina busobozi.
Bbo abamu ku baweereddwa ennyama okuyita mu lunaku luno olwa Idd beebazizza olw’ebintu bye bafunye, era ne bategeeza nti baakuyita mu lunaku luno nga basanyufu.