Poliisi yeeweze okufeffetta abaayokezza enju ya muzeeyi Magala

Poliisi e Luweero ekyagenda mu maaso n'okunoonyereza abo bonna abali emabega w’okwokya ennyumba ya Magala Balikyewunya ku kyalo Bunyaka e Luweero.

Mu kiseera kino, Magala eyeekoledde erinnya ku mikutu emigattabantu, ng'ayogera ebyafaayo n'ensonga endala, yasindikibwa ku limanda e Luweero ku nsonga z'ettaka ku musango gw'okugezaako okutta omuntu.

Ennyumba ye, yakumiddwako omuliro mu kiro ekyakeesezza eggulo ng'okunoonyereza bwe kugenda mu maaso nga omwogezi wa poliisi Kituuma Rusoke bw'annyonnyola.