Bannamawulire mu Ggwanga balonze abakulembeze baabwe.
Bannamawulire mu ggwanga baalonze abagenda okubakulembera okuli Pulezidenti w’ekibiina ekibagatta n’omumyukawe nga bano bombi bakozi mu Vision Group.
Abakulembeze abaalondeddwa Kalungi Jay Rizik (mu kimyufu) ne Emmanuel Kirunda (akutte akazindaalo) ku Kitebe kya UJA
Bannamawulire ba Bukedde Famire abaalondeddwa okukulembera ekibiina ekigatta bannamawulire bonna mu Ggwanga ekya Uganda Journalists Association (UJA) wasoose kubaawo okuvuganya wakati wa wakati wa Emmanuel Kirunda ne Kalungi Jay Riziki nga boombi baabadde bavuganya ku bwa Pulezidenti bw’ekibiina kino
Munnamateeka Gilbert Mboonye (Kkono) eyakulembeddemu okulondesa Bannamawulire obukulembeeze bwaabwe
Okulonda kwakubiriziddwa munnamateeka Gilbert Mboonye nga ababadde bavuganya beevumbye akafubo okumala eddakiika 20 wabula oluvannyuma ne bakkanyizza Emmanuel Kirunda abeere Pulezidenti wa UJA ate Kalungi Jay Riziki amumyuke
Emmanuel Kirunda ne Kalungi Jay Riziki beeyamye okukola ku nsonga eziruma Bannamawulire
Kalungi yayogedde ensonga lwaki yasazeewo okulekera Kirunda obwa Pulezidenti bwa UJA ye n’asalawo amumyuuke kubanga bonna ba Ffamire emu, Kalungi yasabye Bannamwulire bonna wonna mu Ggwanga okussa ekimu beewale enjawukana
Kalungi Rizik (mu Bimyuufu) ne Josephat Sseguya Pulezidenti W'olugambo Ku Kitebe Kya Uja E Kawempe