POLIISI y'ebidduka e Nansana, ekyagenda mu maaso n'okuyigga ebidduka ebibiri ebyavuddeko akabenje omwafiiridde omukozi ku disitulikiti y'e Mukono

POLIISI y'ebidduka e Nansana, ekyagenda mu maaso n'okuyigga ebidduka ebibiri ebyavuddeko akabenje omwafiiridde omukozi ku disitulikiti y'e Mukono.

Nnalongo Josephine Nnamanda 37, yaafiridde ku Northern by pass e Namungoona , mmotoka etannategeerekeka bwe yatomedde pikipiki omugenzi kwe yabadde atambulira n'agwa wansi.

Kitegeezeddwa nti , mmotoka yatomedde pikipiki n'agwa wansi n'akosebwa era n'afa nga yakatuusibwa mu ddwaaliro e Mulago.

Omwogezi wa poliisi mu Kampala, Recheal Kawala, ategeezezza nti mmotoka ne pikipiki, byabuzeewo era bayigga abaabadde bavuga ebidduka bino , byombi.