Poliisi mu Busoga erabudde ku bikolwa eby'effujjo nga tuyingira omwaka

POLIISI mu Busoga East omuli district y'e Bugiri, Bugweri, Namutumba, Iganga , Namayingo ne Mayuge, erabudde abantu okubeera abagendereza n'okwewala ebikolwa ebyefujjo nga bayingira  omwaka.

Mu bimu ku bye babasabye, kwe kwewala okuleka abaana abato bokka mu nnyumba, okunywa ne bavuga , okukola efujjo nga bayingira omwaka.

Omwogezi wa poliisi mu kitundu ekyo, Micheal Kasadha, agambye nti bali bulindaala, okukwata n'okuggalira oyo yenna anaagyemera ebiragiro.

Asabye abategese ebivvulu omuli n'okusaba, okubeera abagendereza ennyo, nga bewala ebikolwa eby'ekitujju, n'ebyo ebiyinza okuvaako abantu okwenyigiriza ne bafuna obuzibu.

Asabye abantu okwewala okutambula bokka ekiro nti wakiri basule gye babeera basabidde oba gye babeera bakyakalidde okusinga okugwa mu buzibu.