Amawulire
Poliisi ekutte omusajja agambibwa okuba ow'omutawaana mu Luzira, Kitintale n'ebitundu ebiriraanyeewo
OMUSAJJA agambibwa nti ali mu kibinja eky'omutawaana mu kubba n'okutulugunya abantu e Kinnawataka, Katooga , Buyinja Kitintale - Luzira, akwatiddwa poliisi.
Poliisi ekutte omusajja agambibwa okuba ow'omutawaana mu Luzira, Kitintale n'ebitundu ebiriraanyeewo
By: Godfrey Kigobero, Journalist @New Vision
OMUSAJJA agambibwa nti ali mu kibinja eky'omutawaana mu kubba n'okutulugunya abantu e Kinnawataka, Katooga , Buyinja Kitintale - Luzira, akwatiddwa poliisi.
Joseph Bwire y'akwatiddwa nga bamulumiriza okuba mu kibinja ekyali kikulirwa omusajja Kaddu abatuuze gwe battira e Kitintale gye buvuddeko.
Ono akwatiddwa mu kikwekweto ekiyodde abasoba mu 20 mu kitundu ekyo era ne babaggalira ku poliisi ya Jinja Road.
Omwogezi wa poliisi mu Kampala, Racheal Kawala, agambye nti baliko ebifo ebirala ebikoleddwa e Kasangati ne bakwata Vincent Kinobe ku bubbi bw'ente, ku ppaaka empya nayo ne bayoola abawerako ate e Nateete nayo ne bakwatayo 50.