Omwana eyazaalibwa nga talina w'afulumira atandise okuvunda

Omukazi eyazaala omwana atalina waakufulumira bimusobedde. Ekyenda abasawo kye baafulumya wabweru yeeyambiremu kitandise okuvunda.  

Omwana Ekyenda Ky'afulumiramu Kyokka Nga Kati Avunda.

Muky. Bena Mugeni omutuuze ku kyalo Nsono mu Ggombolola y’e Buyinja mu disitulikiti y’e Namayingo y’ali mu maziga olw’omwana we Paul Owendo okuvunda ng’ate talina ssente zimutwala mu ddwaaliro okumulongoosa n’asaba abazirakisa okumuyamba.

Mugeni yagambye nti Owendo yazaalibwa talina waafulumira n’amutwala mu ddwaaliro e Mbale abaamusindika e Mulago. Abasawo baamusala ku lubuto ne bafulumya ekyenda wabweeru asobole okweyambirangamu nga bwe balinda akule.

 Agamba nti baamugamba nti omwana bwaweza emyaka 3 ng’amuzzaayo bamulongoose afune waafulumira kyokka akyalemereddwa olw’obutaba na bukadde musanvu ze baamusaba.  

Yategeezezza nti bbaawe Muzeeyi Charles Owendo yagezezzaako okunoonya ssente ne zirema kwe kusaba abazirakisa okumukwatizaako ataase obulamu bwa mutabani we.        

Asangibwa awali ekitebe ky’eggombolola y’e Buyinja  mu Kabuga k’e Nsono oba okumufunira ku ssimu ya muganda we Kevin Mulumba:   0758757936/ 0775559252.