Amawulire
Okunyeenya amatabi e Lugazi: Abakristu mwebuulirire mu wiiki eno entukuvu
Abakristu mu Lugazi bakung'aanye mu bungi okwetaba mmisa y'okunyeenya amatabi ekulembeddwa omusumba w'essaza ly'e Lugazi, Bp Christopher Kakooza nga ayambibwaako bwanamukulu wa Lugazi Cathedral Parish, Rev Fr Ignatius Kibowa.
Bp. Kakooza ng'anyeenya amatabi n'Abakristu
By: Mukasa Kivumbi, Journalists @New Vision
Abakristu mu Lugazi bakung'aanye mu bungi okwetaba mmisa y'okunyeenya amatabi ekulembeddwa omusumba w'essaza ly'e Lugazi, Bp Christopher Kakooza nga ayambibwaako bwanamukulu wa Lugazi Cathedral Parish, Rev Fr Ignatius Kibowa.
Emikolo gitandikidde wabweru wa Klezia ne basimba ennyiriri nga bwe bayimba n'okunyeenya amatabi okutuuka lwe bayingidde Klezia.
Bp. Kakooza asabye abakristu okwebuulirira ne wiiki entukuvu wamu n'okulowooza ennyo ku ngeri Yezu gye yabonyaabonyezebwamu okutuuka lwe yawanikibwa ku musaalaba .
Abasabye okwebuulirira kuba balya mu Yezu olukwe eyakikola yali ku lusegere so nga n'eyamwegaana yali tamuva ku lusegere.
