Nantaba azzizza omuliro ku by'ettaka ly'e Kayunga

Bya Hannington Nkalubo

MUBAKA omukazi owa Kayunga, Idah Erios Nantaba azze mu Bukedde n'annyonnyola ku lutalo lw'ettaka olwasituse e Kayunga olwavud­deko n'olukiiko !we yabadde ayise okuyiika.

Nga yenna ayogeza busungu, Nantaba yalumbye omubaka w'essaza ly'e Bbaale Charles Tebandeke nti mukulembeze mu kitundu ekyo naye tayagaliza bantu, alina bigendererwa bya kukola ssente.

Yalambuludde nti kiri ku likodi yalwanyisa abantu abazze banyigiriza abatuuze ku tt:aka era mu nkola yeemu yabadde ayise olukiiko Juno kulwanirira batuuze okukakasa nti tewali alina buyinza kubasindiikiriza kuva mu bibanja byabwe kyokka ab'omutima omubi tebakkirizza lukiiko kutuula olw'ebigendererwa byabwe ebitali birungi ..

Bino biddiridde akanyoolagano akaabad­de ku kyalo Lugasa mu ggombolola y'e Kayonza mu disitulikiti y'e Kayunga, abantu gye baatwalidde Nantaba entyagi nga bamu­lumiriza okwekobaana n'omugagga.

Omubaka Nantaba yakitadde ku mubaka munne Tebandeke nti nga yeekobaana n'abakulembeze ku ggombolola, bassaawo obukwakkulizo okulemesa nnannyini tt:aka okutuuka mu batuuze.

Wabula omubaka Tebandeke yayanuku­dde Nantaba nti by'ayogera agezaako kubu­zaabuza n'okubikkirira amazima.

"Ekyo kitundu kyange kye nkiikirira. Ayinza atya obutampita? Nze n'olukiiko na­lutegeeredde mu batuuze balala," Tebande­ke bwe yannyonnyodde.

Tebandeke yayongeddeko nti waliwo Nantaba ky'ataggyaayo bulungi naddala bwe kituuka ku kwogera ku bwannannyini bw'ett:aka eryo. "Ekyapa kye twalabye kiri mu mannya ga Enock Wasswa ekyafulu­mizibwa mu 2018 kyokka ate nnannyini kyapa teyabaddewo, twabadde ne Rev. Yusuf Turwomwe nga ndaba ababiri tebakwata­gana," Tebandeke bwe yagambye.

Wabula Nantaba yayanukudde nti ye  bwe kituuka ku kusengula abantu, tasobola kukikkiriza era bwe yali mu minisitule y'ebyett:aka, yatunuulira ekyapa kya Rev. Turwomwe nga gyekiri kyokka bwe yawu­lira ate ng'omubaka Tebandeke yeegasse n'abakulembeze ku ggombolola nga bage­zaako okulemesa nnannyini tt:aka okutuuka ku batuuze, ye (Nantaba) n'abiyingiramu asobole okuyamba enjuyi zonna.

Yabuuzizza nti Tebandeke bw'aba alu­mirirwa abatuuze, bulijjo alinda ki okutuuza olukiiko annyonnyole abatuuze.