Munnabizinensi Sarah Kizito 'Lady Charlotte' ow'emyaka 60 ayingizaawo olulenzi oluto

Bya Daphine Semakula

Omuyimbi wa Kadongo kamu ow'erinnya, Abdul Mulaasi yayimba ng'abuuza nti ‘Enkulu Tenywa’  ng’abawala baddamu nti enywa.

Oluyimba luno lutuukira bulungi ku Sarah Kizito  amanyiddwa ennyo nga ‘Lady Charlotte’, munnabizinensi omututumufu abadde mukazi w’eyali omuggunzi w’engumi Godfrey Nyakana bw’ayingizaawo olulenzi oluto.

Sarah Kizito Ne Bba Nga Baakawoowebwa.

Sarah Kizito ali mu myaka egisoba mu 60 yawooweddwa e Bungereza n’olulenzi lwe olutegeerekese nga Moses Kaddu oluli mu myaka 30, ku mbaga eyabadde eky’ekyama.

Bannayuganda bangi beewuunyizza omukazi alabika ng’akuliridde mu myaka okwenaanika kadaali n’awoowebwa n’omulenzi gw’atuuse okuzaala.

Omanyi Sarah yazaala abaana babiri era kigambibwa nti bombi basinga Kaddu ono gwe yaakafumbirwa obukulu.

Muwala we omuto amanyiddwa nga Charlotte yafumbirwa omulenzi we emyaka nga 9 egiyise.

Sarah Ne Bba Ku Mbaga Yaabwe

Sarah Kizito yali alina bizinensi ez’amaanyi ku Centenary Park omuli Saluuni ng’era asiba n’abagole, wadde nga waaliwo enkaayana ezaamutataaganyamu.

Ono yayatikiirira nnyo mu myaka gy’e 90 ne 2000 ng’omu mu basibi babagole abamaanyi era y’alina edduuka ku Equatorial Hotel lye yatuuma Lady  Charlotte ng'aliggya ku linnya lya muwala we Charlotte.

Kaddu Ne Mukwano Gwe

Kitegeerekese nti Sarah Kizito yayawukana ne bba  Godfrey Nyaakana omwaka oguwedde nga byekuusa ku by’ensimbi, era noono Sarah yali amusing emyaka egiwera.

Nyaakana yawangula omudaali ogwa zzaabu mu mpaka z’engumi ez’amamawanga agali mu lusse olumu ne Bungereza mu 1990.

Abantu abamu bawolereza Kaddu nga bagamba nti musajja Musiraamu ateekeddwa okuwasa ‘Haki’ ze nnya bw’aba ng’alina obusobozi.

Era bano bamutendereza olw’okuwasa omukazi anyirira anti ku myaka 60 n’omusobyo oyinza okumuyita ow’emyaka 30.

Wabula abandi bamusiimye nti yeewangulidde olulenzi oluto ate nga lulungi, era ne babakulisa okutuuka ku kkula ly’obufumbo.

Sarah Kizito Ng'ali Ku Mulimu

Sarah Kizito Munnabizinensi.

Bbo abawala abato basigadde beesooza nti bbo baaba ki olw’okubulwa abasajja abawasa ne batwalamu bamaama baabwe. Ko abalala nti mukadde bannyaabwe baabanaaza olweza.

Abamu babisaza nti osanga Kaddu azze kwefunira ku ssente ate abalala nti naye alina ensimbi ezimumala.

Waliwo abagambye nti mubaleke banyumirwe obulamu. Bano bagambye nti Sarah mukazi alinga Bazungu era ye bw’aba akwagala ate nga naawe omusiimye tafa ku myaka gyo.