Bayigga ttalanta mu masomero

BASSITA b'emizannyo egy'enjawulo mu ggwanga batandise kaweefube w'okuzuula n'okukuza ebitone mu baana b'amasomero.
Bino biri mu polojekiti gye batuumye 'Future Stars' egenderera okuzuula obusobozi
bw'omwana mu mizannyo egy'enjawulo omuli okubaka, badminton, chess, scrabble,
table tennis, n'omupiira. Abaana era basigibwamu okwekkiririzaamu nti bw'otandika
emizannyo ng'okyali muto ogiganyulwamu kinene.
Omumyuka w’omutendesi wa She Cranes, Ruth Meeme, omu ku bali mu pulojekiti eno yannyonnyodde nti, "Abaana tubawa essuubi ne bafuna obuvumu nga tubawabulan’okubabuulirira baginywereremu." Ku Ssande, Meeme n'omuteebi
wa She Cranes, Rachael Nanyonga baatongozza pulojekiti eno ku Gayaza Junior School e Gayaza ne balaga abayizi ebirungi ebiri mu kubaka n'emizannyo emirala.
Hedimansita Sarah Tebugulwa Kizito yasanyukidde pulojekiti eno n'agamba nti, "Twenyigira mu byemizannyo naye kino kigenda kutuyamba kweyongeramu bwongezi. Pulojekiti nnungi kuba ezuula ebitone mu mizannyo gyonna ate nga gituyamba okuzuukusa obwongo b w'abayizi n'okukuuma emibiri gyabwe nga miramu