Mmotoka ebadde ku ndiima etomedde ekikomera 2 ne bafiirawo e Nakasongola

Abantu baafiridde mu kabenje akagudde e Nakasongola ate abalala bana ne baweebwa ebitanda mu mwaliro ag'enjawulo , nga bali mu mbeera mbi.

Akabenje kano, kabadde ku luguudo oludda e Wabigalo mu disitulikiti y'e Nakasongola, mmotoka nnamba LG 0072087 Toyota Hilux nga ya Nakasongola District Local Government , bw'etomedde ekikomera ne yeefuula emirundi egiwerako.

Abafudde, kuliko Ivan Mwebaza 32 nga y'abadde ddereeva waayo, n'omuwala omulala Stella 30 .

Abalumiziddwa, kuliko Rogers Orech 31, Joshua Mugabi 31, Daphine 24 ne Faridah Mukanambala 34 . Babadde bava Nakasongola okwolekera akabuga k'e Wabigalo.

Omwogezi wa poliisi mu Savana Sam Twiineamazima, agambye nti akabenje , kaguddewo nga bukya leero , era ng'emmotoka ebadde ku misinde mingi, kwe kulemererwa omugoba waayo ng'ali mu kkoona, n'eyingirira ekikomera.