Kyagulanyi ayuugumizza Luweero n'asekerera ebya bbomu

OMUKULEMBEZE wa NUP Robert Kyagulanyi Sentamu ategeezezza nti eby'okutega bbomu bigenderera kulemesa nteekateekaze ez'okutalaaga eggwanga.

Asinzidde ku kisaawe e Kasana mu Luweero mu kuggulawo ofiisi z'ekibiina kino n'agamba nti obuwagizi bwafunye ng'atalaaga eggwanga bitiisizza gavumenti n'eyagala okuleeta ebya bbomu.

Kyagulanyi Ng'asiima Bannaluweero Okumwaniriza

Abawagizi Ba Kyagulanyi Nga Bakwatiridde Kunguudo E Luweero

Kyagulanyi asabye abalonzi okumma obululu aba NUP ababaliddemu olukwe ne bakukuta ne NRM kuba bagenda kulemesa enkyukakyuka n'avumirira n'abalala abakozesebwa okumulwanyisa.

Ebikumi by'abantu beeyiye kunguudo okumwaniriza n'abamuwerekeddeko omubadde akulira oludda oluvuganya gavumenti Matius Mpuuga Nsamba n'ababaka ba palamenti abasoba 20.