Kiruhura esinze disitulitiki zonna okukola obulungi

DISITULIKITI y'e Kiruhura esinze disitulikiti endala mu ggwanga mu mpeereza y'empeereza y'emirimu.

Yawangulidde ku bubonero 95.25 ku 100  nga yaddiriddwa  disitulikiti y'e Isingiro  ku bubonero 94.72 ku 100, Ibanda yakutte kyakusatu mu 94.6 ku 100 n’endala  ne zigoberera.

Mukago Rutetebya ssentebe wa disitulikiti y'e Kiruhura yagambye obuwanguzi bwe bwavudde mu butatuula mu ofiisi ng’ebiseera ebisinga abimala ku kulondoola nteekateeka za gavumenti mu kitundu kye. 

Raphael Magyezi Minisita wa gavumenti ez’ebitundu bwe yabadde akwasa abawangunzi ebirabo  yakuutidde  bassentebe ba disitulikiti  zonna  okulaba  nga bongera  okulondoola  empeereza za gavumenti mu bitundu omuli okukola enguudo n’entido, eby’enjigriza, eby’obulamu  n’embera z’abantu zonna  okutwalira wamu n’ebirala.

Bino byabadde mu kuggalawo olukung'aana lwa bonna olw'omulundi ogusooka  Joint Regional Development Programme  Annual Review (JRDPAR) okutunula mw’ebyo ebizze bikolebwa mu nteekateeka za gavumenti eri ebitundu mu bbanga ery’emyaka etaano egiyise okuzuula oba bituukiridde okusinziira ku kyali kisuubirwa.

Omulamwa gw’olukung'ana lubo ogwabadde “Okunnyikiza obukulembeze bw’ebitundu okulongoosa empeereza eri abantu”  mulimu okuteekawo enkulaakulana n’empeereza ey’ekyenkanyi mu buli kitundu kya ggwanga.

Minisita Magyezi yalangiridde nga bakasansala bonna abanaaba bayiseemu mu kulonda kwa 2026  bagenda kutendekebwa mu nkola ery’obuwaze ku  buvunaanyibwa bwabwe eri abantu be bakiikirira.