Gavt. eweze okulwanyisa enzimba embi eyonoona obutonde bw'ensi

GAVUMENTI eweze okulwanyisa enzimba embi eyonoona obutonde bw'ensi, baakukola n'ebikwekweto ku bizimbe ebyazimbibwa mu ngeri eyonoona obutonde bw'ensi.

Minisita ow'emirimu n'entambula Gen. Edward Katumba Wamala y'ayasanguzizza bino n'agamba nti za nti abazimba balina okufaayo ennyo okutunuulira obutonde n'embeera y'obudde obutabyonoona, gattako okukozesa abantu abakugu mu kukuba pulaani ku nzimba ennungi.

Gen Edward Katumba Wamala ng'asiima kampuni ezaawangudde

Genn Katumba yategeezezza nti n'abatunda ebizimbisibwa balina okufuba okubeera abayiiya ku bakozesebwa kubanga omusenyu n'ebikozesebwa biggwayo ate nga byonoona obutonde bwensi.

Bino byonna Minisita Wwamala yabyogeddwa ku mukolo ogwa National Building Review Board ogwabadde ku Speke Resort e Munyonyo okusiima kampuni ezaazimba mu ngeri ekuuma obutonde, era Children Surgical Hospital Entebbe ye yawangudde kampuni endala okuzimba mu ngeri ekuuma obutonde.

Flavia Bwire omuwandiisi omukulu owa Uganda NBRB yagambye nti okulondako kkampuni esinze baasinzidde ku ngeri abo abeetabye mu kusindana gye baazimbamu etaasa obutonde bwensi.