Pulezidenti awadde Omulabirizi w'e Luweero kapyata w'emmotoka
Minisita w'ebyenguudo, Gen. Katimba Wamala ye yeetisse mmotoka UBR 842 E n'agikwasa Omulabirizi Kisekka ku lutikko y'omutukuvu Makko e Luweero.
Pulezidenti awadde Omulabirizi w'e Luweero kapyata w'emmotoka
By Samuel Kanyike
Journalists @New Vision
PULEZIDENTI Museveni atuukirizza ekisuubizo kye yakola bw’awadde Omulabirizi wa Luweero ow'okuna, Wilson Kisekka kapyata ekika kya Land cruiser.
Minisita w'ebyenguudo, Gen. Katimba Wamala ye yeetisse mmotoka UBR 842 E n'agikwasa Omulabirizi Kisekka ku lutikko y'omutukuvu Makko e Luweero.
Gen Katumba Wamala Ng'akwasa Omulabirizi Kisekka Kapyata Okuva Ewa Pulezidenti Museveni.
Omukolo guno gwetabiddwaako omuwandiisi w'Obulabirizi buno, Can Eric Sebigaju ne ddiini wa lutikko Can Steven Kabuye n'abalala.
Omulabirizi Kisekka yatuuzibwa nga March 24, 2024 ng'adda mu bigere bya Eridard Kironde Nsubuga pulezidenti n'amusuubiza mmotoka n'ensimbi bimuyambeko okusumba endiga ze.
Omulabirizi Kisekka asiimye pulezidenti Museveni okutuukiriza ekisuubizo n'agamba nti mmotoka egenda kumuyamba okutalaaga disitulikiti ya Luweero, Nakaseke ne Nakasongola okuliisa ekigambo kya Katonda.