Dr. Nambatya ayanjudde eddagala eddala erinaayambako mu kujjanjaba ssenyiga omukambwe

Eddagala lino liyitibwa UBV-0IN nga Nambatya n'abakugu abalala 10 okuli n'ab'Ekizungu be baalitabula nga bakozesa emiti n'ebimera ebya wano mu kunoonyereza okwavujjirirwa Gavumenti ya Uganda n'agamba nti bafundikira okulirigezesa era baakulyanjulira eggwanga mu October, 2021.

Dr Nambatya ng'asomesa

Ebirala aba NCRI bye bakola

. Beekenneenya eddagala erikolebwa mu butonde okukakasa oba lijjajjaba endwadde ezi a zirisuubira okujjanjaba.

Beekebejja ebimera omusawo mw'abikoze, ebipimo biyite ddoozi omuntu z'alina okukozesa ng'alikozesa, okumanya ebbanga eddagala eryo lye limala nga likola oluvannyuma ne basimdika abakola eddagala eryo mu kitongole ekiro doola omutindo gw'eddagala ekya National Drug Authority ne balikakasa era ne balikkiriza okugenda ku katale.

Dr Francis (ku kkono), Dr Nambatya ne Mwami Weeraga mu musomo gw'eddagala ly'obutonde mu situdiyo

. Bakola eddagala nga eddagala eryokunywera ku caayi, omubisi okuva mu kikajjo n'enkooge - ogusitula amaanyi g'omubiri, ekiriisa ekizimba omubiri, okusomesa abantu ku bikolo eby'eddagala nga omuti gwa Rosemary oguggula abantu obwongo, okuleeta amaanyi, ekigaji, Jam asiigi wa ku migaati, sirapu z'ekifuba ne ssennyiga, n'ebirala.

Obuyambi eri abatandika okukola eddagala ly'obutonde. Dr. Grace Nambatya alaze abasawo mu ddagala ery'obutonde abeetaaga obuyambi mu by'ensimbi gye bayinza okuddukira, omuli:

1. Okusaba mu Kitongole kya Ssaayansi ne Tekinologiya ekikulirwa Dr. Monica Musenero nga NCRI emuyambako okukola okusaba okwo n'okubalung'amya ku nkwata ya ssente eziba zikuweereddwa Gavumenti.
2. Omusawo asobola n'okusaba mu kitongole kya Private sector Foundation nabo balina obuyambi.
3. Okusaba nga bayita mu kitongole kya DIT ng'aba NCRI beetegereza by'okola ne bakusindikayo ne bakuwa ssente.

(Ebifaananyi bya Lawrence Mukasa)