Baloopye ewa Pulezidenti ku ssente z’Emyooga

BANNAYUGANDA basonze ku miziziko egibalemesa okufuna ssente za Gavumenti ez’okwekulaakulanya ne balaga nti nnyingi zisigala mu bakungu. Emiziziko gino baagibuulidde Pulezidenti Museveni, bwe yabadde e Kyankwanzi mu kukuza olunaku  w’abakyala ku Lwomukaaga.
Baabuulidde Museveni nti ssente z’Emyooga, eza PDM, n’ez’abakazi eza Grow tezibatuukako.
Betty Muhaaye, yagambye nti bwe yatuuka mu banka kulaba nga aganyulwa mu ssente za Grow, yasanga zaggwaayo dda era n’akizuula nti abeesobola be baaziggyayo.
Yagasseeko nti, abaddukanya ssente z’okwekulaakulanya asala amagezi ne baziwa abantu baabwe ne bwe baba tebabeera u bitundu ebyo. Omuntu abeera e Masaka asobola okufunira mu Luweero kuba waliyo amumanyi.
 te ye Esteri Nanvubya, yagambye nti obukulembeze bwa ssente za PDM tebutegeerekeka, nga wadde ziri ku miruka, owoomuluka bwe bamuloopera bikyamu, abagamba nti naye si y’avunaanyizibwa.
Yagasseeko nti waliwo abaali baagala okuyingira mu SACC ’oku muluka bafune ku ssente za PDM, kyokka bwe baatuukayo abakulira SACCO ne babagamba nti bamale kusasula era gye baggweera nga baviiriddemu awo.
SSENTE EZIMU ZIREMEDDE WAGGULU
Minisita wa Microfinance, Kyeyune Haruna Kasolo, bwe yabadde alambula pulogulaamuy’Emyooga ne PDM mu Nakawa, Ssentebe wa NRM mu Nakawa, Nicholas Arinaitwe yamuloopedde nti mu kitundu kye baali bateekeddwa okufuna obuwumbi buna, kyokka baakafunako kamu n’obukadde 700, zokka.
Yagambye nti ku SACCO 108 eziteekeddwa okubeera e Nakawa baakafunako 58 zokka era nti waliwo n’abakulembeze abaakakasa edda abantu okufuna ssente ate ne zitabaweebwa. Minisita Kasolo yagugumbudde aba Microfinanc upport Centre olw’akasoobo mu kutondawo SACCO.
MUSEVENI AbaWADDE AMAANYI
Pulezidenti Museveni yakubirizza abantu okusitukiramu balondoole ssente zaabwe basse ku nninga ababbi nga babaloopa waggulu.
Abakulembeze ba SACCO abeetaba mu kubulankanya ssente Museveniyagambye nti   o abantu basobola okubeekolerako nga babagoba ku bukulembeze. Ababbi abalala bo yagambye nti gavumenti egenda kubakwata bavunaanibwe.
EBIKWATA KU MYOOGA NE PDM
Enteekateeka y’emyooga yatandikibwawo mu August 2019, n’ekigendererwa  ky’okuggya mu bwavu Bannayuganda ebitundu 68 ku 100 abaali bakolerera olubuto lwokka. Ebiti by’abantu abakola emirimu egy’enjawulo 18, bye biteekeddwa okuganyulwa mu nteekateeka eno