Ab'essomero lya Mengo SS basiimye abayizi baabwe 33 abaanywedde mu bannaabwe akendo

Ab'essomero lya Mengo SS basiimye abayizi baabwe 33 abaanywedde mu bannaabwe akendo ne bamalayo obubonero bwonna 20 mu bibuuzo bya siniya ey'omukaaga ebyakadda.
Essomero Iiwadde abayizi bano amabaasa amazito okubasiima era buli muyizi agenze Musanyufu byansusso.
Akulira essomero lino Grace Nantajja yeebazizza abayizi baabwe nategeeza nti okusomera ku  Mengo SS oba mukakafu ku buwanguzi  olw'omutindo gwabwe omulungiu by'enjigiriza.

Abdul Wahab Kaddu BCM/ICT 20pts

Bbo abayizi abaakoze obulungi boogeddeko eri bannaabwe ku Assembly y'essomero nebabagumya nti, nabo basobola okukola kyebakoze n'okusingawo kasita bateekamu amaanyi n'okuteekayo omwoyo okukwata ebibasomesebwa. Waaliwo omuyizi Ham Kaggwa eyafunye obubonero  20 mu BCM/ICT ategeezezza nga Kitaawe bweyagaana okumuweerera nga muto naasigala mu mikono gya maama we Aminah Tibasiima okuviira dda mu pulayimale, nategeeza nti awo weeyakimanyira  nti okusoma kwekujja okumweyimirira okufuuka omuntu ow'omuwendo eyeegombebwa, neyeebaza maama we okumubeererawo era neyeeyama obutamuswaza.

Abayizi 33 ku Mengo SS abamazeeyo obubonero bwonna 20pts mu bibuuzo bya siniya ey'omukaaga nga beebaza Katonda olw'obuwanguzi.

Ye omuyizi Abdu Wahab Kaddu naye yeebazizza nyina okumubeererawo okuva obuto bwe kuba naye Kitaawe yamusuulawo akulidde mu mikono gya maama naye  neyeeyama obutamuswaza, ono yafunye  obubonero 20 mu BCM/ICT 2AAA1.

Abayizi 10 abakola sciences baweereddwa akasiimo akazito okusinga ku bannaabwe aba Arts.
Oluvannyuma abasomesa n'abayizi bayozaayozezza bannaabwe bano olw'obuwanguzi n'okuweesa essomero ekitiibwa