Ab’emmundu bawambye nnannyini ssomero ne bamutta mu bukambwe
POLIISI etandise omuyiggo gw’abatemu ab’emmundu abaateeze nnannyini ssomerong’anaatera okutuuka mu maka ge ne bamuwamba ne mukyala we oluvannyuma ne bamutta mu bukambwe, omukazi ne bamusuula mu kibira ng’ali mu mbeera mbi!.
Abooluganda lw’omugenzi nga baaziirana ku poliisi e Mukono.
By Bukedde Omusunsuzi
Journalists @NewVision
POLIISI etandise omuyiggo gw’abatemu ab’emmundu abaateeze nnannyini ssomero
ng’anaatera okutuuka mu maka ge ne bamuwamba ne mukyala we oluvannyuma ne bamutta mu bukambwe, omukazi ne bamusuula mu kibira ng’ali mu mbeera mbi!.
Godfrey Wayengera 45, omukozi mu kitongole kya Compassion Uganda era nnannyini
ssomero lya Beloved Daycare and Nursery School e Nsuube, ye yawambiddwa ku Mmande akawungeezi ng’ali ne mukyala we, Christine Najjabi 34, nga bali mu mmotoka yaabwe ekika kya Toyota Fielder nnamba UBP 520A eya kitosi.
Okuwambibwa baabadde banaatera okutuuka mu maka gaabwe e Nsuube nga bava
Mbale gye baabadde bagenze okuziika.
Ebyakazuulibwa biraga nti abemmundu nga bali mu byambalo ebyefaanaanyiriza eby’amagye, beefudde abalawuna ekyalo ne bayimiriza mmotoka ya Wayengera ne balagira abaagibaddemu okufuluma wabweru.
Oluvannyuma baabazzizza mu mmotoka yaabwe n’esimbula nga babatadde ku mudumu
gw’emmundu era yazzeemu okusangibwa ng’esuuliddwa e Jinja-Misindye mu Munisipaali y’e Mukono.
Omulambo gwa Wayengera gwasangiddwa gugang’alamye mu kitaba ky’omusaayi
emabbali w’ekkubo ng’omutwe baagwasizza ate ye Najjabi baamusudde Misindye
abazirakisa gye baamusanze ng’ali mu mbeera mbi.
Omwogezi wa poliisi mu Kampala n’emiriraano, Patrick Onyango yagambye nti abatemu baawambye Wayengera mu mmotoka ye ne bamutegeeza nti bamutwala ku poliisi y’e Mukono, kyokka olwasimbudde ne baweta ku luguudo lw’e Kyungu gye battidde omugenzi. Byabaddewo mu kiro kya Mmande.
Okusinziira ku difensi w’ekyalo Nsuube, Waren Tusingwire abasse munnaabwe bandiba nga baayagadde kutwala bulamu kuba mmotoka baagireseewo. Yasabye
abeebyokwerinda okubongera obukuumi mu kitundu.
Ettemu lino lyegasse ku bantu ab’enjawulo abazze bawambibwa ne battibwa mu ntiisa. ugust wa 2019, Maria Nagirinya ne dereeva we, Ronald Kitayimbwa baawambibwa e Lungujja emirambo gyabwe ne gisuulibwa e Mukono. Abatemu okuli; Corporiyamu Kasolo ne Johnson Lubega amanyiddwa nga Etoo, kkooti yabawa ekibonerezo kya kusibwa mayisa olw’okutta Nagirinya