Abatuuze batwalidde amateeka mu ngalo ne batta gwe bateeberezza okuba omubbi w'embuzi!

ABATUUZE ku kyalo Bubbaale ekisangibwa mu diviizoni y’e Gombe mu munisipaali y’e Nansana baliko abavubuka babiri be bakutte nga babateebereza okubeera ababbi b’embuzi wabula omu bamukubye emiggo egimusse ekireetedde abalala okwemulugunya nga bagamba nti omu atiddwa tabadde mubbi.

Atiddwa ye Emmanuel Lidu, abadde amanyikiddwa nga Kolokota ng’abadde mutuuze w’e Bubbaale ekisangibwa mu Gombe ng’ono kigambibwa nti bamusanze lubona ng’aliko embuzi ssatu z’abadde atambula nazo nga kiteeberezebwa nti embuzi zino babadde bazibbye ku mukadde ate nga muzibe Nnaabagereka Getrude kyokka olumusse abatuuze ne bagamba nti Lidu attiddwa kyandiba nga bino babimuyingizazamu kuba tabadde mubbi.

Kyokka amyuka omwogezi wa poliisi mu Kampala n’emiriraano Luke Oyowesigyire agambye nti nga poliisi etandise okunonyerezza ku bantu abatwalidde amateeka mu ngalo era omulambo gwatwaliddwa mu gwanika lye ddwaliro e Mulago abasawo bagende mu maaso n'okugwekebegya.