Abatuuze bakkakkanye ku muvubuka agambibwa okubba embuzi ne bamukuba n'afiirawo!

OMUVUBUKA ow'emyaka 28 agambibwa okukwatibwa n'embuzi enzibe, bamukkakkanyeko ne bamukuba ne bamutta.

Umali Gabiri 28 omutuuze w'e Dema cell  mu kabuga k'e Buyende  , gwe bagwikirizza mu katale ka Buyende Cattle Market ng'alina embuzi enkazi enjeru omuli ebiddugavu erowoozebwa okuba enzibe ne bamutta.

Kigambibwa nti abantu bwe baamukutte, mu kumukazaakaza, n'abalaga w'abadde agisibye nti olubadde okugiggyayo, ne batandika okumukuba poliisi n'emuddusa mu kalwaliro ka Buyende Health Centre III gy'afiiridde.

Omwogezi wa poliisi mu Busoga North, Samson Lubega, alabudde abantu okwewala okutwalira amateeka mu ngalo, n'agamba nti banoonyerezza ku bubbi bw'embuzi n'okutta omuntu.

Ayongedde okusaba abatuuze, okwongera okukuuma ennyo ebisolo byabwe naddala mu kiseera kino, nga tugenda mu nnaku enkulu, obubbi, butera okweyongera.