Pooriisi ekwatsire Hope Tumwebaze ahabw’okufeera omuny’eishengyero Sh60m.
Hope Tumwebaze akomiirwe aha Pooriisi ya Katwe Police Station.
Omugambirizi wa Pooriisi, Rusoke Kituuma yagamba omukazi ogu nka Hope Tumwebaze omushuubuzi kandi omutuura wa Kamukuzi omu rurembo orwa Mbarara. PHOTO by Alfred Ochwo.
N’ebya Omushaki weitu
KAMPALA
Pooriisi omuri Kampala ekwatsire omukazi w’emyaka 53 orikujunaanwa okufeera Omuny’eishengyero Shiringi obukaikuru 60 (60 million shillings).
Omugambirizi wa Pooriisi, Rusoke Kituuma yagamba omukazi ogu nka Hope Tumwebaze omushuubuzi kandi omutuura wa Kamukuzi omu rurembo orwa Mbarara.
Kituuma nagira ngu nyakuteekateekwaho nagambwa kuba yayetwire nk’omukozi w’omu ofiisi ya Purezidenti nikwo kubiihabiiha omuny’eishengyero ngu naija kumuhwera okutunga purogyekiti za gavumenti.
Pooriisi negira ngu okucondooza nikworeka ngu ebi Hope Tumwebaze y’abaire nagamba byona n’ebishuba ekirugiriiremu okukwatwa kwe.
Obwa hati, Hope Tumwebaze akomiirwe aha Pooriisi ya Katwe Police Station kandi nateekateekwa kwija kuteebwaho omushango gw’okutunga esente omu muringo gw’ekishobobo.
Ab’obushoborozi nibarabura abantu obutoosha kuguma nibabanza bashwijuma abarikweyeta abakozi b’omu ofiisi ya Purezidenti abarikwija barikubabiiha ngu nibaza kubatungira obuhwezi.
Kituuma nagira ngu okucondooza kuriyo nikugyenda omu maisho kumanya kuhakubaasa kuba hariho abandi bantu abafeezirweho esente zaabo.
#WestUpdates