Ow’emyaka 8 ashobangirirwe nayenda shiringi 200,000,000 z’okumushemeza orukizi

N'ebya Abdulkarim Ssengendo

Prince Kasule Hassan omwaana w’emyaka 8 y’obukuru nagambwa kuba yashangirwe ayine endwara Sickle Cell Disease aha mwaka gumwe aherize kuzaarwa

Ogu atwiire n’endwara egi erikuteganisa amagara gye kumara obwiire buringwa. Obwa hati abazaire be, Hassan Kalule na Yudaya Nantale, bashobangiriirwe nibaronda shiringi miriyooni 200 z'okumushemeza

Yudaya Nantale n'omutabani Prince Hassan Kalule, 8, orikwetenga miriyooni 200M/= kushemezibwa oriukizi rw'omugongo

Okurugiirira aha bihandiiko by’eirwariro kuruga aha Holy Innocents Children’s Hospital ebitirweho omukono Dr.Kyewalyanga Mike, omwaana ogu nayetaaga obuyambi bwamangumangu bwa sente zikwingana shs200 Million kumubasisa kushemezibwa orukizi (bone marrow transplant) omwihanga rya India

Arikugambaho na TV West omumaka gaabo omu Lower Cell-Nyamityobora-Mbarara City, Nantale yashoboorora oburemeezi obu barikurabamu kwiha bazaara omwaana ogu omwaka gwa 2018 n’endwara oku yamukwatsire

Ogu nagyira ngu kikamukangura omutima ku baamugambeire ku omwana we ayine oburwaire obu kandi kwiha obwo obwiire bwe bwoona batwire mumarwariro arikuraguza omwana we.

Prince Hassan Kasule naasherura obuhwezi

Omwaana ogu hati ari omu P.3 kwonka endwara egi eriyo nemuremesa n’okushoma.

Yudaya nayeshengyereza abanya Mbabazi boona okurugayo bakabakwatiraho agumize ngu abashaho bamugyizire ngu omwaana okujuna amagara gye ayine kushemezibwa aho n'aho.

Orikwenda kuhayo obuhwezi nobaasa kuburabiza aha account number 5020035612 omu Centenary Bank eri omu maziina ga Nantale Yudaya, ninga aha namba y’esimu 0772607308 Nantale Yudaya ninga endijo 0782329119 eri omu maziina ga Hassan Kalule

#WestUpdates