Omuramuzi Arach kuziikwa omu maka g’abazaire be- kooti ecwiremu
Bwanyima y’okutwara enshonga egi omu kooti, Ambasada Amoko ashabire ngu omukazi we aziikwe omu mwanya ogundi ogutaine kakwate n’ahu embaju zombi zirikwenda kandi ab’orubaju orundi baremiireho ngu aziikwe omuri Nebbi.
Omuramuzi Arach kuziikwa omu maka g’abazaire be- kooti ecwiremu
By NewVision Reporter
Journalists @NewVision
N’ebya Charles Etukuri
Kooti ecwiremu ngu omugyenzi Mary Stella Amoko, obaire ari omuramuzi wa kooti enkira zoona aziikwe omu maka g’abazaire be ahu arikuzaarwa omu disiturikiti eya Nebbi nikwo kumaraho obutaikirizana obutwireho ahagati yaba famire aha nshonga yahi araziikwe.
Kuruga ebiro 17/06/2023, hatwireho obutaikirizana ahagati y’abaana b’omuramuzi Amoko hamwe n’omushaija we ahi ashemeriire kuziikwa.
Ambassada James Idule Amoko abaire nayenda omukazi we aziikwe omu disiturikiti eya Adjumani.
Ogu aiziire yahakanisibwa abaana abu omuramuzi Arach-Amoko yaizire nabo arikuza kushwerwa Ambassada Amoko abaremiireho ngu nyinabo aziikwe omu disiturikiti eya Nebbi barikugira ngu omugyenzi niho abaire nayenda ngu aziikwe.
Bwanyima y’okutwara enshonga egi omu kooti, Ambasada Amoko ashabire ngu omukazi we aziikwe omu mwanya ogundi ogutaine kakwate n’ahu embaju zombi zirikwenda kandi ab’orubaju orundi baremiireho ngu aziikwe omuri Nebbi.
Aharwakabiri, kooti enkuru ey’enshonga z’amaka ecwiremu ngu omuramuzi Arach-Amoko aziikwe omu maka g’abazaire be ahu yaziirwe omu kyaro kya Juba village omuri Jukiya Hill ward omu disiturikiti eya Nebbi.
Omuramuzi Ketrah Kitariisibwa Katunguka nabwo acwiremu ngu entebeekanisa z’okuziika omuramuzi Arach zitandikireho.
Agizire embaju zombi zaine obugabe bw’okuhika aha mukoro gw’okuziika omuramuzi Arach omuri Nebbi bataine kuteganisibwa kwona.
#WestUpdates