Omukama wa Tooro, Oyo Nyimba Kabamba Iguru Rukidi IV, afiire

N’eby’omushaki waitu

Omukama wa Tooro, Oyo Nyimba Kabamba Iguru Rukidi wa 4 afiire eizooba rya nyomwebazyo 27.08.2026 ahamyaka 34.

Amakuru kuruga omubukama bwa Tooto nigagira ngu Omukama Oyo akatwarwa omu irwariro omuri America kuragurirwa endwara y’ekookoro enshumi nkye ehingwire

Nikigambwa ngu Omukama atwaire nafukaana n’oburwaire bw’ekookoro kumara akaire. Ebiro 03.08.2026, Obukama bukarangirira ku Omukama yagiire aheeru kugira emirimo ei yaakora n’okwongyera ahamishomo ye.

Ekirango eki kikakuratirwa amakuru agaarabiremu garikugira ngu Omukama akatwarwa omu irwariro kuragurirwa endwara y’ekookoro.

Omukama akazaarwa ebiro 16.04.1992 kandi ni mutabani wa Omukama Patrick David Matthew Kaboyo Olimi wa 3 hamwe n’omukazi we Best Kemigisa

Omugwa 1995, Oyo akaza ahangoma, nikwo kuba omutegyeki wa 13 ow’Obukama bwa Tooro ahamyaka 3 yonka atyo yaamara 31 ahangoma.

Okufa kwa Oyo nikwijaho bwanyima y’okufa kwa munyanya, Beth Abwooli wiiki ehwaire beitu hoona nawe oyitsirwe ekookoro.

Okugyezaho kuhamba Obukama

Omukwezi kwa 3 omugwa 2015, David Kijanangoma, mwijukuru wa Omukama George Rukudi wa 3, akarangirira ku yaahamba engoma y’Omukama Oyo.

Kijanangoma akagira ngu akacwamu kuhamba engoma egi ahabw’okuba mwinenyina, Oyo, akaba arugire ahamirimo ye nk’omukama. Akagira ngu Oyo akaba ari Omukama otatuurayo kandi akaba naatuura omuri Buganda arikuza Tooro nk’omugyenyi kwonka.

Kijanangoma akagira ngu Omukama ku arikuremwa kukora emirimo ye, beene nyina nibabaasa kumwihaho engoma. Akagira ngu eki kikaba kyabaireho obu Omukama wa Tooro owa 2, Kazana Ruhaga, yaabaire amara obwire bwingi omukitanda, akaremwa kukora emirimo ye ekyareeteire mwinenyina, Nyaika, kumwiha ahangoma

#WestUpdates
#RIPKingOyo