Owayebembiire abasibe kutooroka omu kihome akwatsirwe- Sheema.
Ahabiro 01.08.2024, abasibe 8 bakahenda batooroka omu kihome kya Pooriisi ya Sheema kurabira omu madirisa ga kamina kandi kuruga obwo, Pooriisi etwire nebahiiga kugaruka kubakwata.
Accum Clinton, 26 ( Omu mpingo), owa Kabwohe Divijoni omuri Sheema akwateirwe omu muhigo gw’ab’eby’okwerinda omuri Mbarara ebiro 09.08.2024. Photo by Bruno Mugizi.
N’ebya Bruno Mugizi.
SHEEMA
Owayebembiremu abasibe kuhenda ekihome kya Sheema Central Police Station bakatooroka akwatsirwe.
Accum Clinton, 26, omutuura wa Kabwohe Division omuri Sheema Munisiparite akwateirwe omu muhigo gw’ab’eby’okwerinda omuri rurembo rwa Mbarara aharwakataano ebiro 09.08.2024. Accum najunaanwa emishango ogw’obushuma n’okwita.
Ahabiro 01.08.2024, abasibe 8 bakahenda batooroka omu kihome kya Pooriisi ya Sheema kurabira omu madirisa ga kamina kandi kuruga obwo, Pooriisi etwire nebahiiga kugaruka kubakwata.
Kasule Consilata, Omuduumizi wa Pooriisi ya Shemma ahamize okukwatwa kwa Accum kandi naagira ngu naija kutwara omu kooti ajunaanwe emishango erimu ogw’obushuma, okutooroka omu kihome kya Pooriisi omu buhenda biragiro hamwe n’okwita.
Naagira ngu bakiriyo nibahiiga abandi basibe 7 abatoorokire.
Aba barimu; Akampa Jocknius, Matovu Hakim, Mukasa Aggrey, Asingwire Musinguzi, Byamukama Ambrose, Mpumwire Benson na Tugume Ashraf.
#WestUpdates