Abasibe 8 batoorokire omu kihome kya Sheema, aba Pooriisi 7 bakwatwa.

N’ebya Bruno Mugizi

SHEEMA

Pooriisi omu disiturikiti ya Sheema eriyo neehiga abasibe 8 abarikugambwa kuba batoorokire omu kihome kya Sheema Central Police Station omuri Sheema Munisiparite.

Martial Tumusiime, Omugambirizi wa Pooriisi ahabw’ekyanga ekya Bushenyi empango naagira ngu abasibe aba nibagambwa kuba batoorokire omu kihome shaaha nka 9:20 z’akasheeshe k’eriizooba kurabira omu madirisa ga kamina.

Tumusiime naagamba abatoorokire omu kihome nka; Akampa Jockinius, Matovu Hakim, Mukasa Aggrey, Asingwire Musinguzi, Ambrose Byamukama, Mpumwire Benson, Tugume Ashraf hamwe na Accum Clinton.

Naagira ngu abasibe 6 bari aha mishango y’obushuma, omwe ari aha mushango gw’okwita kandi ondaijo ari aha mushango gw’okuza omu bintu bye.

Tumusiime nayongyeraho ngu bakwata aba Pooriisi 7 babaire bari aha murimo omu bwire obu abasibe batoorokireho kandi bateebwaho omushango gw’obutafayo aha murimo gwabo.

#WestUpdates