Okwetebeekanisiza ebya P.7, Biishopu Sheldon yahiga abeegi okwekwasa Ruhanga.
Aha mukoro nigwo gumwe, Biishopu Sheldon yatongoza band y’eishomero erya Mbarara Junior School eherize kutandikwa.
Abeegi 279 ba P.7 ab’eishomero erya Mbarara Junior School omuri Mbarara abarikuza kushitamira ebibuuzo by’ekya 7 bahaasirirwa eriizooba. Photos by Ssengendo Abdulkarim.
N’ebya Abdulkraim Ssengendo
MBARARA: Abeegi 279 ba P.7 ab’eishomero erya Mbarara Junior School omuri Mbarara abarikuza kushitamira ebibuuzo by’ekya 7 bahaasirirwa eriizooba.
Omukoro gw'okuhasirira abeegi aba ogwakorerwa aha kishaayi ky’eishomero eri gwayebemberwa omureeberezi wa Ankole Rt. Rev. Dr. Fred Sheldon Mwesigwa kandi gwahikwaho abantu bakuru n’abazaire.
Biishopu Sheldon, omukazi we na Mukuru w'eishomero erya Mbarara Junior School barikushara cake n'abeegi ba P.7 ba Mbarara Junior School.
Aha mukoro nigwo gumwe, Biishopu Sheldon yatongoza band y’eishomero erya Mbarara Junior School eherize kutandikwa.
Dr. Keith Dancun Ayebare, Technical Advisor kuruga omu ofiisi ya Muka Mukuru W’eihanga niwe yaaba ari omugyenyi mukuru aha mukoro ogu.
Omu bigambo bye, Biishopu Sheldon yashaba abeegi abarikuza kukora ebigyezo okwekwasa Ruhanga ekirabahwere kubikoragye. Nabwo, yashaba abazaire okukingira abaana okureeba ebintu ebirikuta obutwa omu mitwe yaabo.
Biishopu Sheldon arikuhubira abeegi b'eishomero erya Mbarara Junior School omuri Mbarara.
Dr. Ayebare yasiima omureeberezi wa Ankole ahabwa amaani agu ateiremu omu kutunguura eby’obwegyese.
Mukuru w’eishomero eri, Nathan Mugume yagira ngu batebeekaniise gye abaana aba kukora gye ebibuuzo by'omwaka ogu kandi yasiima abazaire, obureeberezi hamwe na gavumenti ahabw’omusingye muhango ogu bahiire Mbarara Junior kuhika ah’eidaara eririkuranganwa omu eihanga ryona.
#WestUpdates