Okutuntuza abantu omu by'omubonano n'ekikura ky’abantu nikweyongyera buri mwaka.

N’ebya Eli Akiza

KIGEZI

Okucondooza okukozirwe ekitongore ekirikujunanizibwa aha by’omubaro gw’abantu omu ihanga ekya Uganda National Bureau of Statistics (UBOS) nikworeka ngu okutuntuza abantu omu by'omubonano hamwe n'ekikura ky’abantu nikweyongyera n’ebicweeka 60% ahari 100 buri mwaka omu kyanga ekya Kigezi.

Abeebembezi hamwe n’abarikukwataho omu eihanga enshonga egi nibagyekyerera obworo hamwe n’obutamanya omu bantu.

Okutuntuza abantu omu by'omubonano n'ekikura ky’abantu nikweyongyera buri mwaka.

Okurugirira ahari rupoota y’eby’emishango ey’ekitongore kya Pooriisi eya buri mwaka neyoreka ku okutuntuza abantu omu by’omubonano hamwe n'ekikura ky’abantu (Sexual and Gender based and violence) nikweyongyera n’ebicweeka 60% ahari 100 buri mwaka.

Bamwe omu bantu abahikire ahamukoro gw'okutambura ogukoriirwe aha kishaayi ky'eishomero erya Kihihi High School omuri Kanungu.

Bwanyima ya rupoota egi, ekitongore ekya Nyaka Global foundation ekirikurwaniirira hamwe n’okuhwera amafuzi n'abakahonaho b'emihondano egi kikakora okundi kucondooza okuri kworeka ku ekyanga ekya Kigezi emihondano egi eri munonga omu disiturikiti eya Kanungu n’eya Rukungiri.

Omwaka ogu, emikoro y’okutambura oku ekorirwe aha kishaayi kya Kihihi High School omuri Kanungu kandi enkuyanja y’abantu nibo betabire aha mukoro ogu.

Obwa hati emishango erikuhika 1,763 niyo yaherize kuhababwa omu b’obushoborozi kuruga omwaka ogu gutandika omu disiturikiti eya Kanungu na Rukungiri.
Ehururu eyayesirwe Sexual and Gender based and violence walk ekateebwaho kuhwera omu kujanjaaza omuranga gw’okurwanisa okutuntuza abantu omu by’omubonano omu kyanga eki.

Omwaka ogu, emikoro y’okutambura oku ekorirwe aha kishaayi kya Kihihi High School omuri Kanungu kandi enkuyanja y’abantu nibo betabire aha mukoro ogu.

#WestUpdates