Omushaija ateire omutabani yamwita ahabw’obutateeka omuri Kanungu.
Elly Maate, Omugambirizi wa Pooriisi ahabw’ekyanga ekya Kigezi nagamba nyakuteekateekwaho nka Mwebesa Naboth, 30, orikugambwa kuba ateire omutabani Emmanuel Amutuhaire, 9, akamwita.
Omushaija ateire omutabani yamwita ahabw’obutateeka omuri Kanungu.
By NewVision Reporter
Journalists @NewVision
N’ebya Omushaki weitu
KANUNGU
Pooriisi omu disiturikiti eya Kanungu eine omu kihome kyayo omushaija w’emyaka 30 orikugambwa kuba ateire omutabani ou arikwezaarira ow’emyaka 9 akamwita arikumutura obutateeka by’okurya.
Elly Maate, Omugambirizi wa Pooriisi ahabw’ekyanga ekya Kigezi nagamba nyakuteekateekwaho nka Mwebesa Naboth, 30, orikugambwa kuba ateire omutabani Emmanuel Amutuhaire, 9, akamwita.
Amutuhaire, n’omwegi ah’eishomero erya Zendeire P/S kandi omutuura w’omu kyaro kya Kazinga omu muruka gwa Rushorooza omugomborora ya Kihiihi omu disiturikiti eya Kanungu.
Nikigambwa ngu aha Sande ebiro 10.08.2025 shaaha nka 4 z’ekiro, Mwebesa (nyakuteekateekwaho) agarukire omuka kikyererezi nikwo kushanga omutabani atakateekire.
Mwebesa nagambwa kuba atandiikire kuteera omutabani kuhisya obu amumazire amaani atyo akamwirukangiza aha ‘clinic’ eri haihi ahi afeereire bwanyima y’akaire kakye.
Maate nagira ngu Pooriisi ehikire aha mwanya nikwo kurundaana obujurizi.
Nagira ngu okucondooza omu mushango ogu nikugumizamu kandi nyakuteekateekwaho naija kutwarwa omu kooti ajunaanwe okucondooza kukurahwe.
#WestUpdates